Brigada Iskwela sa Nijaga Elementary School
Kaupod an pipira nga ahensya san gubierno pareho san PNP, City Health Office, City Nutrition Council, local media ug an BFP, guin tikangan yana nga adalw san DepEd Calbayog an ira tinu-ig nga Brigada Iskwela. An katuyu-anan sini nga aktibidad mao an an pag-obserbar san pag-abre san bag-o nga school year sa mga liburan san Calbayog. Kaupod na dida an pag-identify san mga problema o kun nanu pa nga mga panginahanglan san liburan sa magkadurudila-in nga mga barangay. An amun grupo dumuyog san akitbidad komo representante san opisina san City Mayor.
Sa sunod ko nga mga blog update, akun igsa-saysay an mga datos ug iba pa nga mga inpormasyon nga may kalabtanan san mga liburan nga napili bisitahun san una nga round san Brigada Iskwela 2012. Sa yana, aku ighahatag sa iyo an mga litrato nga akun nakuha san amon pagbisita sa Nijaga (Palamas), Tabawan, Migara, Guinbaotan Sur ug Norte, Manguino-o ug San Joaquin.
