Guin buhat sa nakalabay nga Viernes an Supplemental Milk Feeding sa Barangay Panlayahan. An nasabi nga barangay an siyahan san 20 nga barangay san Calbayog nga magkakamay-ada san nasabi nga feeding program. Ini nga 20 nga mga barangay an guin report nga may-ada high incidence of malnutrition sa ciudad san Calbayog. Ini nga programa san ciudad guin bubuhat san opisina ni Mayor Onald Aquino kaupod an mga miembro san City Nutrition Council.
