 |
| Mayor Ronaldo Aquino as he delivered his Charter Day Message at the City Hall stage |
Mayor Aquino’s Message during the 2012 Charter Day Celebration
Delivered on Tuesday, October 16, 2012 at the Calbayog City Hall Stage
Theme: “Resptohon, Palangga-on, Alakapahon: Calbayog, Atun Ini!”
Maupay
nga adlaw sa atun ngatanan. Happy Birthday Calbayog!
Tugoti ako niyo pagpasalamat tungod
san iyo presensya dinhi sini nga atun selebrasyon. Natu-o ako nga an iyo
pag-atendir sini nga aktibidad yana nga adlaw dire tungod kay may guin palusad
nga memorandum, kundi tungod kay
nakiki-usa kam pagpakita san respeto ngada san atun minahal nga ciudad san
Calbayog; nakikiduyog kam pagpalangga ug pag-alakapa san atun hinigugma nga ciudad
san Calbayog kanay ika-64 nga ka-adlawan atun yana guin dudum-dom.
As
with the previous charter day celebrations, we have once again gathered here at
the city hall stage to pay homage to Calbayog. Ug sugad san pirmi natun
guin bubuhat, yana nga aga san atun pagsalin-urog san Adlaw san Calbayog 2012,
mapaki-ana na liwat kita: Hain na an Calbayog?
Kun
atun pag-iinu-inuhon, itun nga paki-ana matatagan san kumpelto nga batun
pina-agi san usa nga State of the City
Address. Sugad san guin bubuhat natun san nakalabay nga mga selebrasyon,
ini nga tinu-ig nga Charter Day message
san Mayor san ciudad baga na liwat an usa nga state of the city address tungod kay nagigin higayun ini agud igpahibaro
sa atun ngatanan an pipira nga mga pitad san lokal nga pan-gubienuhan san
Calbayog ngada san kaupayan san bungto. Sugad man kaupod sini an pagpahinumdum
nga ini ngatanan nahimo tungod san mga tinu-od nga intensiones o mga larang
pagpaka-upay san Calbayog, ug labi na gud tungod san koopersayon o pagka-urosa
natun ngatanan kanay mga kasing-kasing a-ada an ungod nga pag-ugop ug inop para
san pagpaka-upay pa san atun hinigugma nga ciudad san Calbayog.
Kun
hain man yana an sanhi anay Senate
President Jose Avelino ug sugad man an sanhi anay Congressman Agripino Escareal, seguro ko nalilipay gadman sira san mga
kaupayan nga atun hinay-hinay nga nakakab-at sa Calbayog. Dire pa man kita
nakaka-lebel san mga highly-urbanized
cities san atun nasud, pero an mga sinyales mao an nagpapakita san
potensyal san Calbayog; potensyal nga nahikit-an san mga investors; ug potensyal nga angay panhimulusan ug proteheran natun nga
mga Calbayognon.
During our Independence Day celebration last
June, akun guin pulong nga usa na liwat nga identity an atun guin dugang para san Calbayog : Calbayog as a city on the rise to progress.
Damu nga mga investors an interesado
sa Calbayog. Ug base san feasibility
study san usa nga banko, an Calbayog daku an potential for economic growth and for investments. Natu-o ako nga
usa nga factor sini nga panhitabo mao
an kamurayaw sa atun ciudad. Ini tungod san paniguro san atun kapulisan, kaupod
na an koopersasyon san mga opiyales san ciudad ug barangay ug labi na kamo nga
mga lumulopyo san Calbayog.
Much has been said about malls being
constructed in the city. Akun liwat
i-guin kakalipay nga kaupod sini nga mga aktibidad nga nahatag higayun
pangempleyo sa mga Calbayognon, ada liwat an maupay nga notisya kaparte san M.I.C.E.
(Meetings, Incentives, Conventions and
Exhibits) tourism. Hinay-hinay
nakakatagamtam kita sini nga industriya pina-agi san nagtitika-damu nga mga Regional Conventions and Conferences nga
guiin bubuhat dinhi sa Calbayog. Sa luyo nga bahin, an ciudad nag-gahin, ug mag
gagahin pa pondo para san mga infrastructure
sa atun mga tourist spots. Kaupod na
dida an pagpaka-upay san Nijaga Park ug an paghimo san river walk; ug an development
san Cardinal Rosales Plaza. Atun guihapon guinbabatun an panginahanglan kaparte
san edukasyon pina-agi san atun mga tie-up
programs sa DepEd ug iba pa nga mga liburan. Ada an atun cash-for-training-for-work program,
sugad man an atun feeding program nga
an larang mao an pagpaguti-ay san malnutrition incidence sa Calbayog. Ug yana
nga adlaw atun guin launch an bag-o
nga mga produkto san Calbayog nga paniningkamuton natun nga ma- sustain ini ug makahatag higayun
pangempleyo o livelihood san atun mga
igkasi-Calbayognon.
There
are many more good things that can be said about Calbayog. The few things that I
have enumerated were aimed at giving you an idea as to where Calbayog is going.
Dire man umuyon an iba, pero natoo ako nga an Calbayog klaro an guin lalaktan; an
Calbayog klaro an tadong nga dalan nga guin lalaktan. Making Calbayog a haven of peace and prosperity has been a dream not
only of the city officials but a dream of all of us. And it has been the dream
of Senate President Avelino and Congressman Escareal. It has been the dream of
the officials before us. We may still be far from fully achieving our goals of
a perfect place for every Calbayognon. But as I have just enumerated, slowly
but surely we have inched out way to getting near these ideals.
Bisan nanu pa man atun mga
kaladnganan, bisan nanu pa man kaupay an atun mga nakab-at, ini ngatanan makakawang
kun mawara an kamurayaw sa atun ciudad. Ini ngatanan makakawang kun mawawara an
pagka-urosa natun nga mga anak san Calbayog. Padayun kita pagka-urosa. Padayun
kita paglarang san kamurayaw ug progreso para sa Calbayog.
Waray
ungod nga magre-respeto san Calbayog, waray ungod nga magre-respeto san mga
Calbayognon kundi kita manta nga mga anak san Calbayog; waray mag- papalangga
sin ungod san ciudad san Calbayog kundi kita manta nga mga anak san Calbayog;
waray mag-aalakapa san atun minayoyo nga ciudad san Calbayog kundi kita manta
nga mga anak san Calbayog.
Salamat
ug maupay nga adlaw sa atun ngatanan!
