Mass Wedding sa San Rufino

Guin pangunahan yana nga aga ni Mayor Ronaldo Aquino an siyahan nga Mass Wedding nga guin buhat sa Barangay San Rufino, usa nga tay-aw nga Barangay nga unhan san Barangay Tarabucan sa Oquendo District. An nasabi nga aktibidad diin mayda 37 nga padis an nagpakasal usa san mga buruhatun san Local Civil Registry Office san ciudad san Calbayog. Presente durante san Mass Wedding sira Konsehal Virgil Clemens, Konsehal Susano Salurio ug Konsehal Ronald mark Aquino. Kaupod guihapon an mga empleyado san LCR nga guin pangunahan ni Mrs. Fe Queroljioc ug an iya assistant nga si Leonor Aquino.